Trip diwrnod llawn

Plas Newydd

Mae trip diwrnod llawn ar Ynys Môn yn cynnwys taith i bentref enwog Llanfairpwllgwyngyllgogerychwyrndrobwylllantysiliogogogoch sydd a’r enw hiraf yn Ewrop.

Fe all teithwyr ymweld â’r Plas Newydd, cartref Marcwis Môn a adeiladwyd yn y 18 ganrif gan y pensaer enwog James Wyatt. Mae gan y tŷ hyfryd hwn ystod arbennig o weithgareddau i fodloni pob chwaeth.

Bydd raid stopio wrth gwrs yn siop James Pringle Weavers am brofiad siopa unigryw ym mhentref Llanfairpwll. Gellir prynu dillad, nwyddau tŷ a bwydydd Cymreig a llawer mwy yma.

Wrth i ni anelu am dref brydferth Biwmares i dreulio’r prynhawn byddwn yn mynd heibio Pont Grog Thomas Telford, Pont y Borth sy’n dathlu ei phen-blwydd yn 250 eleni.

Ym Miwmares fe all y teithwyr ymweld â’r Llys, un o adeiladau mwyaf hynod Ynys Môn, a’r Carchar sydd yn safle hanesyddol o arwyddocâd arbennig a lle ceir tystiolaeth greulondeb cyfraith a threfn oes Fictoria.

Pwy all chwaith anghofio Castell enwog Biwmares sydd, yn ôl rhai, y gwychaf o’r holl gestyll Edwardiaidd gwych geir yng Nghymru. Ym Miwmares fe geir amrywiaeth o lefydd bwyta ac amgueddfeydd difyr i ymweld â hwy.

Daw’r diwrnod i ben trwy ymweld â Phenmon lle gall teithwyr fwynhau golygfeydd ysblennydd o Ynys Seiriol, Goleudy Penmon a Mynyddoedd Eryri.

Chwilio am ...

manylion cyswllt

Am unrhyw wybodaeth ynglyn ag ymweliadau’r llongau cysylltwch â Julia McCormack, Cydlynydd:

Ffôn: +0044 (0)7717785641

Ebost: jmxpl@ynysmon.gov.uk

Mewngofnodi