Diogelwch ar y llwybr arfordirol: clogwyni

Fe all y mwyafrif o lwybrau arfordirol ymfalchïo mewn clogwyni dramatig, ac nid yw Llwybr Arfordirol Ynys Môn yn eithriad.

 

Mae daeareg amrywiol yr ynys wedi creu rhai nodweddion diddorol iawn.  Gan fod y llwybr yn dilyn y clogwyni’n agos iawn mewn sawl lleoliad, fe atgoffir cerddwyr i aros ar y llwybr er eu diogelwch eu hunain.  Fe all ymddangos fel pwynt amlwg, ond fe fyddai’n ddoeth gwisgo esgidiau cerdded cryf ar y llwybr cyfan.  I selogion – neu i’r rheiny nad ydynt yn hoffi llefydd uchel ac sydd eisiau eu hosgoi – dyma restr o’r rhannau mwyaf dramatig o glogwyni.

Clogwyni bach, llai na 30m / 100 troedfedd, i’r de o Borth Swtan

 

Clogwyni uwch na 30m / 100 troedfedd, i’r gogledd o Borth Swtan yr holl ffordd at Ben Bryn yr Eglwys (‘Carmel Head’), gyda chlogwyni llai, o hyd at 30m / 100 troedfedd, rhwng Pen Bryn yr Eglwys a Chemlyn

 

Clogwyni mawr, uwch na 30m / 100 troedfedd, o Gemaes i Borthwen, a chlogwyni llai, o hyd at 30m / 100 troedfedd, o Borthwen i Borth Amlwch  

 

Clogwyni bach, o hyd at 30m / 100ft, o Borth Amlwch i Laneilian, gyda chlogwyni mwy, uwch na 30m / 100 troedfedd, i’r de o Drwyn Eilian.  Clogwyni bach rhwng Traeth yr Ora a Moelfre

 

Clogwyni mawr, uwch na 30m / 100 troedfedd, i’r de o Draeth Bychan i Fenllech

 

Clogwyni bach, o hyd at 30m / 100 troedfedd, rhwng Aberffraw a Barclodiad y Gawres

 

Clogwyni mwy, uwch na 30m / 100 troedfedd, ar hyd yr arfordir gorllewinol i’r gogledd o Roscolyn

 

Clogwyni mwy, uwch na 30m / 100 troedfedd, ym Mhorth Dafarch tua’r gogledd, yr holl ffordd i Dwr Ellin ac o gwmpas Mynydd Twr, gyda chlogwyni llai rhwng Parc Gwledig y Morglawdd a Chaergybi ei hun.