Cyrraedd y man cychwyn swyddogol

Pwynt cychwyn swyddogol Llwybr Arfordirol Ynys Môn yw Eglwys Sant Cybi yng nghanol Caergybi (cyfeirnod grid SH247 826).

Mae'r eglwys ar safle caer rufeinig, tra bod yr eglwys ei hun yn dyddio o'r unfed ganrif a'r bymtheg.  Mae yna faes parcio cyhoeddus yn union i'r gogledd o'r eglwys, ac mae gorsaf fysus leol o fewn 150 metr. Os byddwch yn cyrraedd ar drên neu ar fferi bydd angen i chi groesi'r bont newydd - Porth Celtaidd - ar draws yr harbwr a fydd yn cysylltu'n uniongyrchol gyda chanol y dref. Mae'r orsaf reilffordd a gorsaf y fferi o gwmpas 700 metr o'r eglwys.

Dilynwch A55 Gogledd Cymru hyd at ei diwedd yng Nghaergybi.  Wrth y cylchfan, ger yr Orsaf Dân - ewch yn syth ar draws yn dilyn yr arwyddion ar gyfer yr A5154 a chanol y dref. Wrth y goleuadau traffig ewch yn syth ar draws.  Trowch i'r chwith wrth gloc y dref. Dilynwch y system unffordd, gan gadw i'r dde yn y fforch a dilyn yr arwyddion ar gyfer gorsaf yr heddlu, heibio hen adeilad y farchnad ac i lawr Stryd Boston.  Trowch i'r dde i faes parcio wrth ymyl Eglwys Sant Cybi.

Gwasanaeth National Express i Fangor a Chaergybi.  Os byddwch yn dod i lawr ym Mangor (35km/22 milltir o Gaergybi) mae'r gwasanaeth bws lleol rhif 4 yn rhedeg yn rheolaidd i Gaergybi (gweler isod).

Mae'r gwasanaeth bws lleol rhif 4 yn rhedeg bob hanner awr rhwng Bangor a Chaergybi. Mae gorsaf fysus lleol yng Nghaergybi yn Summer Hill (SH246 827), gyferbyn â hen adeilad y farchnad, i'r gorllewin o Eglwys Sant Cybi.  I gyrraedd yr eglwys, cerddwch i lawr yr allt i ffwrdd o'r orsaf fysus, ar hyd yr ardal sydd wedi ei neilltuo i gerddwyr yn unig a bydd Eglwys Sant Cybi o'ch blaen. Am wybodaeth fwy manwl am wasanaethau bysiau, ewch i'r gwefan Cyngor Sir Ynys Môn: Cyngor Sir Ynys Môn - amserlenni bysiau lleol

Mae'r holl drenau sy'n gorffen eu taith yng Nghaergybi yn stopio un ai ym mhlatfform 1 neu 2.  Gadewch yr orsaf, ac ewch i'r gorllewin gan groesi pont i ganol tref Caergybi.  I gyrraedd Eglwys Sant Cybi ymunwch â'r stryd fawr sydd wedi ei neilltuo ar gyfer cerddwyr.

Mae glanfa'r fferi ar ochr ddwyreiniol yr harbwr.  Croeswch y bont sy'n cysylltu i'r dref a cherddwch i fyny'r stryd fawr sydd wedi ei phedestreiddio i gyrraedd Eglwys Sant Cybi.