Gwobrwywyd yr Oriel am 2010 mewn gwobrwyon blynyddol mawreddog Partneriaeth Twristiaeth Môn. Mae'r Oriel wedi'i gymeradwyo am safon ei siop - Jac Do - sy'n gartref i ystod eang o grefftau ynghyd a'r caffi Blas Mwy ar ei newydd wedd sy'n boblogaidd gyda thwristiaid a phobl leol.
Gall ymwelwyr sydd yn awyddus i ddysgu am ddiwylliant a hanes yr ynys fwynhau’r Oriel Hanes sy’n rhoi cyflwyniad i orffennol yr ynys trwy sain, delweddau, ad-gynhyrchiadau a chreiriau gwir. Mae un rhan o’r Oriel Hanes wedi ei neilltuo i waith un o arlunwyr bywyd gwyllt enwocaf yr Ugeinfed Ganrif, Charles F Tunnicliffe. Mae’r casgliad unigryw yma o luniau yn cofnodi cyfoeth bywyd gwyllt Môn.
Mae gan Oriel Kyffin Williams raglen ddeinamig a newidiadol o arddangosfeydd yn cwmpasu gwaith yr artist. Mae’r arddangosfeydd yn amrywio o gasgliadau creiddiol Oriel Ynys Môn i gasgliadau a fenthycwyd gan sefydliadau ac unigolion.
Yn ein
Prif Oriel Gelf, cynhelir hyd at wyth arddangosfa’n flynyddol gan artistiaid lleol, cenedlaethol a rhynglwadol, tra mae'r
Oriel Hir a'r
Oriel Ganol yn arddangos chwech arddangosfa.
Mae’r orielau celf yn gyfle i artistiaid, cerflunwyr, crefftwyr a pherfformwyr i gyflwyno’u gwaith gan hyrwyddo celfyddyd lleol, rhanbarthol a chenedlaethol.
Trwy gydol y flwyddyn byddwn yn cynnal gweithgareddau unigol- gweithdai i blant a theuluoedd ac ambell i sgyrsiau arbennig. Cofiwch bori drwy ein calendr digwyddiadau er mwyn sicrhau nad ydych yn methu unrhyw weithgaredd.
Felly, beth bynnag fydd pwrpas eich ymweliad, estynnwn groeso cynnes i chi.