Mae gan arfordir Ynys Môn dirwedd cymharol agored a bryniog.
Yn edrych dros forlinau’r gogledd a’r gogledd-orllewin fe geir clogwyni môr hynafol trawiadol, tra ar ochr ddwyreiniol yr ynys, fe geir clogwyni calchfaen llai sy’n darparu cyferbyniad diddorol.
Fe nodweddir arfordir y de orllewin gan gyfres o benrhynau a chanddynt faeau tywodlyd rhyngddynt, ynghyd â thwyni sy’n amgylchynu corsydd bas. Mae dau gulfor llanwol – sef Afon Menai, a’r Môr Mewnol – yn darparu tirweddau arfordirol mwy cysgodol sy’n ddeniadol iawn. Mae’r coetiroedd yn wasgarog, gyda’r rhan fwyaf wedi’u cyfyngu i lannau Afon Menai a’r arfordiroedd dwyreiniol. Oherwydd eu huchder, eu graddfa a’u maint, mae mynyddoedd Eryri yn tremio dros y dirwedd, yn enwedig ar hyd arfordir y de orllewin. Mae’r olygfa yn gymhares wych i dirwedd mwy meddal a bryniog yr ynys.