MAP LLAWN +

Tirwedd - Coedwig a Chwningar Niwbwrch

Mae Cwningar Niwbwrch yn system twyni tywod eang ac yn cynnwys man mwyaf deheuol Ynys Môn yn Abermenai. Ffurfir y gwningar o dwyni gweithredol a sefydlog ac maent yn cynnig cynefin pwysig i lawer o blanhigion ac anifeiliaid prin.

Mae’r ardal yn ffurfio rhan o’r Warchodfa Natur Genedlaethol sy’n cwmpasu Traeth Malltraeth, Pwll Dŵr y Cob, Morfa Heli Cefni, Abermenai, Ynys Llanddwyn, Bae Llanddwyn a Bae Penrhos. Fe’i plannwyd yn wreiddiol yn 1947 er mwyn rhwystro Niwbwrch rhag cael ei amlyncu gan dywod ac mae Coedwig Niwbwrch erbyn hyn yn adnodd pwysig gyda’i rhwydwaith helaeth o draciau a llwybrau. Er nad yw wedi ei chynnwys yn y Warchodfa Natur Genedlaethol, mae’r goedwig yn ardal bwysig i fywyd gwyllt. Wrth gerdded y llwybrau efallai y byddwch yn cael cipolwg ar wiwer goch neu'r gylfingroes neu’n clywed galwad yddfol y cigfrain yn hedfan uwchben gan fod hwn ar un adeg yn gartref i’r ail rif uchaf o gigfrain yn y byd. Teithiwch i’r de drwy neu ar gyrion y goedwig ac rydych yn cyrraedd yr ehangder mawr o draeth tywodlyd sy’n Fae Llanddwyn.

Gwneir y lleoliad hwn hyd yn oed yn fwy syfrdanol oherwydd y gefnlen o gadwyn Mynyddoedd Eryri a Phen Llŷn i’r de ac Ynys Llanddwyn i'r gogledd. Mae Llanddwyn yn ynys fach, lanwol ym mhen gogleddol Traeth Llanddwyn. Cafodd ei henw ar  ôl eglwys y Santes Dwynwen, nawddsant cariadon Cymru a fu'n byw yno yn ôl traddodiad tan 460 OC. Gellir dod o hyd i olion yr eglwys ar yr ynys o hyd.

I weld rhestr a map o doiledau cyhoeddus ar Ynys Môn, gweler safle we Cyngor Sir Ynys Môn - toiledau cyhoeddus

Ceir rhestr o doiledau sydd ar gael yny gymuned drwy Cynllun Grant Toiledau Cymru.

Pethau eraill i'w gwneud

  • Cerdded

    'Cerdded'

    'Cerdded o amgylch Ynys Môn.'

  • Arfordir

    'Arfordir'

    'Gwybodaeth am ardal arfordirol Ynys Môn.'

  • Beicio

    'Beicio'

    'Pa ffordd well i fwynhau harddwch naturiol Ynys Môn nag ar gefn beic. '

  • Treftadaeth

    'Treftadaeth'

    'Dewch i Ynys Môn i fwynhau hanes yr ynys. '

  • Traethau

    'Traethau'

    'Does dim yn well na threulio diwrnod yn ymlacio ar draeth! '

Atyniadau eraill

  • Llwybrau beicio cefn gwlad Ynys Mon

    'Llwybrau beicio cefn gwlad Ynys Mon'

    'Mapiau a disgrifiadau o'r teithiau cefn glwad Ynys Môn. '

  • Tirwedd Llyn Cefni

    'Tirwedd Llyn Cefni'

    'Yr ail lyn mwyaf o’r llynnoedd wedi eu gwneud â llaw dyn ar Ynys Môn yw Llyn Cefni a leolir yng nghanol yr ynys, tua milltir i’r gogledd o dref Llangefni. '