Rhagor o wybodaeth am y daith gerdded hon

Hanes a diddordebau

• Gelwid Rhoscolyn yn flaenorol yn Llanwenfaen (Eglwys Santes Gwenfaen). Mae’r enw’n cyfeirio at biler a godwyd gan y Rhufeiniaid i nodi eu ffiniau.
• Sefydlwyd Eglwys Santes Gwenfaen yn 630AD, ceir drws canoloesol yno a bedyddfaen o’r 15fed ganrif.
• Yn ôl y chwedl, cafodd Santes Gwenfaen ei hel ymaith o’i chell gan y derwyddon, dihangodd drwy ddringo stac y graig oddi ar bentir Rhoscolyn. Daeth y llanw i mewn ac fe’i cludwyd ymaith gan angylion.
• Hefyd, ym Mhentir Rhoscolyn, ceir bwâu craig o’r enw’r Bwa Du a’r Bwa Gwyn.
• Defnyddiwyd Ffynnon Wenfaen, a amgylchynir gan stepiau cerrig a seddau canoloesol, gan y pererinion yn ystod yr Oesoedd Canol.
• Mae Porth-y-Corwgl o bwys rhan­barthol fel un o’r ffawtiau daearyddol gorau sydd i’w gweld ar Ynys Môn.

Bywyd gwyllt

Mae’r rhostir a’r prysgwydd ar y clog­wyni’n cynnal poblogaethau o glochdar­iaid y cerrig, llwydfronnau a thinwennod y garn, ynghyd ag adar nodedig fel brain coesgoch, hebogiaid tramor, mulfrain, cigfrain a chudyllod coch.

Gwelir morloi’n torheulo ar y grwp o ynysoedd creigiog isel oddi ar yr arfordir o’r enw Ynysoedd Gwylanod.

Ymhlith y blodau gwyllt yn yr ardal y mae llygad Ebrill, fioledau a llwylysiau.

Trafnidiaeth gyhoeddus

Mae bws Rhif 23 yn stopio yn Rhoscolyn ddwywaith y dydd, o ddydd Llun i ddydd Sadwrn.

Lluniaeth

• Mae Parc Gwyliau Traeth Llydan yn cynnig bwyty a chaffi glan môr tymhorol.
• Gallwch gael bwyd yn nhafarn The White Eagle a leolir yn Rhoscolyn.
• Mae Capel Rhoscolyn yn lleoliad digwyddiadau sydd yn aml yn darparu bwyd a diod.